Mu gihe isi ikomeje kwihuta mu ikoranabuhanga, umuntu uzwi cyane mu gukora udushya, Elon Musk, yongeye kubyutsa impaka n’ibyishimo ku mbuga nkoranyambaga kubera igitekerezo cye gishya cyitwa XChat. Iyi porogaramu nshya y’itumanaho igaragara nk’ishobora kwibagiza abantu WhatsApp, imwe mu zigezweho ku isi hose mu gukoresha ubutumwa bugufi, amajwi n’amashusho.
Ariko se, koko XChat izashobora gusimbura WhatsApp.
XChat ni iki? Yaturutse he?
XChat ni porogaramu nshya iri gukorwa na X (ex-Twitter), kompanyi ya Elon Musk, aho yifuza kuyigira igikoresho cy’itumanaho ryihariye ryunganira cyangwa risimbura porogaramu zose ziri ku isoko. Elon Musk yatangaje ko XChat izaba igize igice cy’“super app” X, aho uzajya ushobora kuvugana n’abandi, kohereza amafaranga, gukora videwo, gukoresha AI, ndetse no kwishyura ibintu byose ukoresheje porogaramu imwe.
Elon Musk yavuze ko XChat izaba irimo:
- Koherezanya ubutumwa
- Uburyo bwo guhamagara amajwi n’amashusho
- kohererezanya amafaranga
- Kuganira n’ubwenge bw’ubukorano (AI Chatbots)
- Guhuza konti z’imari (Digital wallets) kubazi ama cyrpto currency
- Gutanga serivisi zitandukanye nk’uko bishoboka kuri “WeChat” yo mu Bushinwa.
Ni mugihe WhatsApp ifite abarenga 2.7 miliyari bayikoresha buri kwezi. Ni imwe mu zifashishwa cyane ku isi mu koherezanya ubutumwa, amafoto, videwo, no guhamagara. WhatsApp yihariye ku:
- Kuyikoresha biroroshe
- Ikoresha data nkeya
- Gukorana na telefoni zitandukanye, zishaje n’ishya
Ibi byose byatumye WhatsApp ikomeza kuba iya mbere mu bihugu byinshi, birimo n’u Rwanda.
| Whatsupp Kumenyekana ku isoko | Yamenyekanye kuva 2009 | Irimo gutangizwa muri 2025 |
Impamvu XChat ishobora kuba igihangange
- Ubushobozi bwo gukora byinshi icyarimwe: Nta handi hari porogaramu imwe izajya ivugisha umuntu, imwishyurire, imumenyeshe amakuru, inamufashe mu bindi bikorwa byose. Ni nk’uko waba ufitanye WhatsApp, Mobile Money, ChatGPT, na banki byose muri application imwe.
- Umutekano urushijeho: Elon Musk yavuze ko bazashyira imbaraga mu kurinda amakuru y’abakoresha XChat, harimo ubwirinzi bwisumbuye (zero-trust security).
- Ubwenge bw’ubukorano buzatuma ikoreshwa mu buryo bwagutse: Urugero, ushobora kuganira na chatbot ikakugira inama ku ngendo, ubucuruzi cyangwa n’ubuzima bwa buri munsi.
Nubwo ari igitekerezo cyiza, hari impungenge nyinshi:
- Kwizera Elon Musk: Hari abavuga ko ashobora kubyutsa igitekerezo akagihagarika vuba nk’uko byagendekeye bimwe mu bindi bikorwa bye nka Threads cyangwa Vine.
- Kwigenga kwa WhatsApp: WhatsApp iri mu biganza bya Meta (Facebook), kompanyi ifite amafaranga menshi cyane ndetse n’ubunararibonye mu mbuga nkoranyambaga.
- Kwishyira hamwe ku makuru bwite y’abakoresha: Kuba XChat izaba ikoreshwa ku mbuga nkoranyambaga, imari, n’ibindi byose bishobora gutuma umuntu ahangayikishwa n’umutekano w’amakuru ye.
Ese mu Rwanda XChat yazakira?
Mu Rwanda, abantu bakunze kwihutira gukoresha porogaramu nshya, cyane cyane iyo igaragaza ibisubizo byoroshye. Icyakora, hari ibintu bimwe bishobora kugora XChat:
- Gukenera internet ihamye
- Telefoni nshya nigezweho kugira ngo yikoreshe
- Guhindura imyumvire ya benshi bamaze kumenyera WhatsApp
Ariko nanone, nk’uko Mobile Money yahinduye uburyo bwo kwishyurana, XChat na yo ishobora kugira uruhare runini mu guhindura uburyo abantu bavugana, bagura, banishyura.