Mu isi ya none aho igihe kibaye ifaranga rishya rihambaye kurusha andi yose, aho udashobora kwiyicaza ngo utegereze igihe cyangwa amahirwe, hari abakomeje guhindura imyumvire ku buryo ubucuruzi bukorwa. Abayobozi b’ibigo bikomeye, ba Perezida b’ibihugu n’abafite indoto zikomeye barimo gushyira imbere uburyo bushya bwo guhanga, kuyobora no kugera ku ntsinzi – ubwo ni uburyo bwo kuyobora utari mu biro bisanzwe, ahubwo ubikora mu modoka ya 2025 Lexani Extended Cadillac Escalade Viceroy Edition.
Iyi si imodoka isanzwe. Ni nk’ibiro bigendanwa byuje icyubahiro, itekanye, binonosoye kandi byubakiwe ku rwego rwo hejuru, aho buri kantu gafite akamaro kenshi – haba mu bwiza, mu mikorere cyangwa mu bwenge bwo gutanga umusaruro.
1. Ubuzima bushya bwo gukora ku rwego rwo hejuru
Bitekerezeho gato: uri mu muhanda, imodoka yawe iragenda buhoro, uri ku mbuga za internet zihuta, wicaye mu ntebe zikoze mu ruhu rworoshye nk’ubuki, zikurinda umunaniro, LED zitanga urumuri rucye rucyeye rutuma wumva utuje, kandi ubwonko bwawe butekereza neza .
Aho niho havuye invugo igira iti: “Luxury is not about where you are, it’s how you move through it.” Mu yandi magambo, ubuzima bwiza si aho uri, ahubwo ni uburyo ubanyuramo.
Uyu munsi, aho abantu benshi baba bari mu ngendo, mu nama zitandukanye, cyangwa mu masaha menshi batarenze ku rugendo, igihe kiba gishobora gupfa ubusa. Ariko si ko biri ku bantu bazi ko buri segonda rigira icyo rimaze. Iyo ugeze muri Lexani Escalade, igihe cyose uba uri gukora – yaba mu nzira ugenda ujya Kampala, Nairobi cyangwa i Dubai, yaba uri ku kibuga cy’indege cyangwa uri mu muhanda wa Kigali-Rubavu – ushobora gukomeza imirimo yawe nta kibazo.
Ukinjira muri Lexani Escalade ya 2025, uhita wumva wambitswe icyubahiro. Imbere hateguwe nk’aho ari muri hoteli y’inyenyeri eshanu. Hari intebe eshatu cyangwa enye zitandukanye zifite ubushobozi bwo kuryama, guhindukira no gutanga umutekano usesuye. Intebe zikorwa mu ruhu rwiza cyane, zibonerwa ku buryo butangaje. Amatapi yo hasi ni aya velvety atuma umuntu yumva atambutse ku butaka bwo mu nzu y’imideli.
Muri iyo modoka, hari ameza y’ikirenga agendanwa (retractable tables), aho ushobora gushyira mudasobwa yawe ukayikoresha nk’aho uri ku meza y’ibiro byawe. Hariho na mini bar y’imbere, aho ushobora kunywa ikawa, amazi, cyangwa ibinyobwa by’icyubahiro mu mutuzo n’ubusabane bwiza.
Ifite ikoranabuhanga rihambaye
Ntacyo wakora muri iki gihe udafite internet. Muri Lexani Escalade, hari Wi-Fi ikora neza ku muvuduko wo hejuru. Hari ibikoresho bifasha mu nama z’amashusho (video conference), aho ushobora guhamagara abandi bayobozi uri mu rugendo utari mu biro. Hari projector n’udukoresho two kwerekana ibitekerezo (presentation tools), byatumye iyi modoka iba nk’ibiro nyir’izina bigendanwa.
Hari na screen nini z’ubwenge, zitanga amakuru cyangwa zishobora gukoreshwa mu kwidagadura. Abakoresha iyi modoka bashobora gutegura inama, gutegura raporo, cyangwa gutekereza ku mishinga mishya batava aho bari, nta n’ubwo byatuma batinda.
Iyo uri umuyobozi, umutekano wawe ni ngombwa. Lexani Escalade ifite ingufu zidasanzwe, zishingiye ku mutekano no ku kurinda umugenzi. Hari kamera zicunga impande zose z’imodoka, hari uburyo bwo gukingira imbere n’inyuma ndetse n’uburyo bwo gutwara umuntu mu mutuzo udasanzwe.
Nubwo uyikoresha aba ari mu kazi, iyo abikeneye ashobora kuruhuka gato. Hari uburyo bwo kuzimya amatara ya LED, ugashyira umuziki utuje, ugafunga amajwi y’inyuma byose bigakorwa ku buryo butuma ubwonko buhindura mode bujya mu bwisanzure.
Iyi modoka si iyo kugenderamo gusa. Ni icyerekana ibitekerezo byagutse. Iyo uyigenzemo, abantu bakubonamo icyerekezo, icyubahiro, imbaraga n’ubushobozi bwo kuyobora udasubira inyuma. Iyi niyo mpamvu bamwe bayita “The Boardroom on Wheels” – ni nk’inama y’abayobozi igendanwa, aho umuntu ahindura isi atarinze kuva aho ari.
Yerekana ko ushobora guhanga, kuyobora no gutera imbere aho waba uri hose. Mu muhanda, mu kibuga cy’indege, cyangwa uvuye mu nama imwe ujya mu yindi, ntugira igihe upfusha ubusa.
Uyu munsi, kuba umuyobozi ntibisigaye bisaba kuba ufite ibiro birebire cyangwa inzu ndende. Ahubwo bisaba guhanga udushya, kumenya guhitamo ibikwiye, kumenya ko igihe ari ingirakamaro. Iyo ukoresha Lexani Escalade, uba uri kuvuga uti:
“Ndi umuyobozi. Sinkenera kubanza kugera aho nkeneye kugira ngo ntangire gukora. Njye ndakora aho ndi hose.”
Ibi bivuze ko burya igitekerezo kinini gishobora gutangirwa mu muhanda, amafaranga menshi agasinyirwa hagati y’umujyi na undi, cyangwa icyerekezo cy’igihugu kikaganirirwaho hagati ya kilometero 30 na 70.
Lexani Motorcars, sosiyete ikora izi modoka z’ubukire, niyo yahimbye iyi Lexani Escalade Viceroy Edition. Yari igamije gukora imodoka zidasanzwe, zitanga umusaruro mu bukire, mu ikoranabuhanga, no mu buzima bwa buri munsi bw’abantu bafite inshingano zikomeye.
Mu 2025, ubwo iyi modoka yashyirwaga ku isoko, yahise ihinduka igikoresho cy’ingenzi ku bayobozi b’ibigo bikomeye nka Amazon, Apple, ndetse n’abayobozi b’amashyirahamwe yo ku rwego mpuzamahanga.
Mu gihe isi igenda yihuta, abantu bagasabwa gukora byinshi mu gihe gito, guhindura uburyo dukoramo ni ingenzi. Lexani Escalade si imodoka gusa – ni igikoresho gikwiriye abantu bafite indoto nini, bashaka gukorera aho bari hose, bagatwara ibitekerezo bikomeye aho bari hose.
Igihe si icyo gutegereza ibiraka. Ni icy’ugukora n’igihe cyose. Mu Lexani Escalade, ntiwiyicarira gusa. Urakora. Ugahanga ndetswe Ukayobora.
