Minisitiri Dr. Joseph Nsengimana Atumiye Abanyarwanda Kwiyandikisha no Kwitabira Huye Half Marathon ku Buntu

Huye Half Marathon ku nshuro ya gatatu irongera Iragaruka, yongera kuzana umwuka w’ibyishimo, ubumwe n’umurava mu gihugu hose. Ni irushanwa rimaze kumenyekana nk’umunsi wihariye uhuza abantu b’ingeri zitandukanye mu bikorwa bya siporo bigamije guteza imbere ubuzima bwiza no kumenyekanisha Umujyi wa Huye ku rwego mpuzamahanga.

Iri siganwa ritegurwa buri mwaka na Cercle Sportif de Butare (CSB) ku bufatanye n’Akarere ka Huye, kandi rifashwa na Minisiteri ya Siporo (MINISPORTS), ku bufatanye na Rwanda Athletics Federation (RAF), Rwanda National Olympic and Sport Committee (RNOSC) n’abandi bafatanyabikorwa batandukanye. Ni igikorwa cyubakiye ku ntego yo kwimakaza umuco wo gukora siporo no kugaragaza isura nziza y’Umujyi wa Huye imbere y’abasura u Rwanda baturutse hirya no hino.

Minisitiri w’Uburezi Dr. Joseph Nsengimana azitabira – Namwe ntimuzabureyo!

Mu rwego rwo gushyigikira guteza imbere imibereho myiza binyuze muri siporo, Minisitiri w’Uburezi mu Rwanda Dr. Joseph Nsengimana yatangaje ko azitabira iri siganwa rizaba ku wa 30 /11 2025 kuri Huye Stadium. Uru ruhare rwe rugaragaza akamaro siporo ifite mu burezi, mu buzima bw’abaturage no mu iterambere rusange ry’igihugu.

Ubutumwa bwe ni bugaragara: “Siporo ni ngirakamaro ku buzima bwiza, ku bumwe no ku iterambere. Ntimuzabure mu Huye Half Marathon – tuzaba turi kumwe.”

Kuki ugomba kwitabira Huye Half Marathon 2025?

1. Siporo ni ubuzima

siporo irinda indwara ziterwa no kudakora umubiri ni ikibazo cyugarije isi. Huye Half Marathon ni uburyo bworoshye bwo gukora siporo ugafasha umubiri wawe, ukarushaho guhumeka neza, gutekereza neza no kuba umuntu ufite imbaraga.

2. Ni umwanya wo kwidagadura no kwiyubaka

Iyo uri mu irushanwa nk’iri, uhura n’abantu batandukanye: urubyiruko, abakuze, abatarabigize umwuga ndetse n’ababimazemo igihe. Ni umwanya wo kwishimana, gusetsa, gutembera no kumva ko uri umwe mu itsinda rifite intego imwe.

3. Ni uburyo bwo gukundisha abatuye u Rwanda siporo

Ibi bikorwa bifasha abana bato gukura bakunda siporo, bakamenya ko ishobora kubabera inzira yo kubaka ejo hazaza. Ababyeyi, abanyeshuri, abakozi n’abayobozi bose bahurira hamwe nk’umuryango mugari.

4. Ni igikorwa gitanga isura nziza kuri Huye City

Huye ni umwe mu mijyi ifite amateka, umuco, amashuri makuru n’ibimenyetso ndangamateka bikurura ba mukerarugendo. Huye Half Marathon irushaho kuyimurikira amahanga, ikayihesha icyubahiro koko cyayo.

5. Ni umusanzu mu rugamba rwo kurwanya ihohoterwa

Iri siganwa ribaye mu gihe cyahariwe “Iminsi 16 yo kurwanya ihohoterwa”, rikaba rifite insanganyamatsiko yo gushishikariza abantu bose kurwanya ihohoterwa rishingiye ku gitsina n’irindi iryo ari ryo ryose. Ni igikorwa gihuza bafite umutima wo kubaka umuryango utekanye.

Wiyandikishe ute?

Kwiyandikisha biroroshye cyane. Fata umunota umwe gusa ukande hano👇
📌 Kwiyandikisha: KANDA HANO WIYANDIKISHE

Ni ubuntu kandi biremewe ku bantu bose.

Si ugusiganwa gusa… ni ubuzima bushya, ni ubusabane, ni umunezero, ni ubuzima bwiza. N’ubwo hataba watsinda cyangwa udatsinda, impano nyamukuru ni ukwitabira.

Imihanda ya Huye izaba yuzuye abantu bafite ibivumbagatanyo by’umunezero, amajwi y’akanyamuneza, imiryango isusurutse, abakinnyi b’urwego rwo hejuru n’abakunzi ba siporo bose. Kandi kuba Minisitiri w’Uburezi yiteguye kubasangayo ni ikindi kimenyetso cy’uko iri siganwa rifite agaciro gakomeye.