Impamvu “Yellow Junction Box” Ziri Kubakwa ( gushirwa) mu Mujyi wa Kigali

Mu minsi ishize, abagenzi batemberera mu mujyi wa Kigali batangiye kubona ibimenyetso bishya M’umuhanda, aho mu masangano amwe n’amwe hashyizwe “Yellow Junction Box” cyangwa Ikirango kimeze nkigikarito cy’umuhondo k’ibisate byambukiranya mu mumuhanda . Ibi bimenyetso bishya bigamije guteza imbere imikoreshereze myiza y’umuhanda no gukumira umuvundo udasanzwe ujya uboneka mu masangano y’imihanda yinjirwamo n’imodoka nyinshi.

Yellow Junction Box ni iki? 

Ni igishushanyo  k’ishusho ya kare cyangwa urukiramende gasigwa ibara ry’umuhondo mu gisate cyambukiranya , kigashyirwa mu masangano y’imihanda ahari ibyago byinshi by’uko imodoka zahagarara hagati zikabuza izindi gutambuka.

Amategeko y’umuhanda avuga ko nta modoka yemerewe guhagarara cyangwa gutegerereza imbere muri “Yellow Junction Box”, keretse iyo imodoka izwi neza ko ifite aho isohokera imbere hameze neza kandi hadafunze.

Impamvu Kigali yahisemo gushyiraho ibi bimenyetso

Umujyi wa Kigali ukomeje kwaguka no kwiyongera kw’imodoka, bigatera ikibazo gikomeye cy’umuvundo, cyane cyane mu masangano akomeye nka Nyabugogo, Kwa Rubangura, Giporoso, Sonatubes n’ahandi hahurira imihanda minini.

Ibi bimenyetso bizafasha mu ngingo zikurikira:

• Kugabanya umuvundo: Imodoka zitazongera guhagarara hagati mu masangano zikabuza izindi kunyura.
• Kugenzura neza amatara yo mumuhanda (feux de signalisation): Amasangano menshi mu mujyi afite amatara y’abagenzi, ariko iyo abashoferi badakurikije amategeko bikaba intandaro y’akavuyo.
• Gutanga umurongo uhamye ku masangano: Abashoferi baziga ko kwinjira muri “Yellow Junction Box” ari ukubangamira inzira z’abandi.

Polisi y’u Rwanda, ishami rishinzwe umutekano wo mu muhanda, ryagaragaje ko ubushobozi bwo gukumira umuvundo n’impanuka ari bwo bwatumye hashyirwa ibi bimenyetso bishya.

Impungenge nyamukuru za Polisi zirimo:

• Abashoferi badakurikiza amategeko: Bamwe bagikoresha imihanda mu buryo bwo kwihutira imbere cyangwa kubangamira abandi, bikaba byatera impanuka cyangwa akavuyo.
• Umutekano w’abanyamaguru: Iyo imodoka zihagarara hagati mu masangano, zibuza abanyamaguru umutekano wo kwambuka neza.
• Umuvundo ushobora gutera ubujura: Mu masangano aho imodoka ziba zifunze zose, abajura bashobora kwiba abaturage mu buryo bworoshye.
• Kwiyongera kw’impanuka zoroheje

Polisi ivuga ko hakenewe ubufatanye bw’abashoferi bose kugira ngo ibi bimenyetso bishya bibe bifite umumaro, bitaba ibyo bikaba bisa nk’aho byashyiriweho ubusa.

Uburyo abashoferi n’abagenzi bakwiye kubyitwararikamo

• Kwirinda kwinjira mu masangano adafunguye neza: Nta modoka ikwiye kwinjira muri “Yellow Junction Box” idafite aho isohokera.
• Kugirira abandi icyizere: kutitambika abanda  no kubahiriza amategeko y’umuhanda bituma buri wese agera aho ajya nta nkomyi.
• Kwita ku mategeko ya Polisi: Abapolisi bashinzwe umutekano wo mu muhanda bazajya bakurikirana imikoreshereze ya “Yellow Junction Box”, bakanahana abatayubahiriza.

Abaturage bo mu mujyi wa Kigali bamaze kubona ibi bimenyetso bafite ibitekerezo bitandukanye:

• Bamwe bavuga ko ari igisubizo cyiza cyane ku muvundo, cyane cyane ku masangano amenyerewe kuba ikibazo nka Nyabugogo.
• Abandi bavuga ko bizasaba ubukangurambaga bukomeye, kuko hari abashoferi bakunda kurengera amategeko, bagatekereza gusa ku nyungu zabo.

Uretse kuba “Yellow Junction Box” zizagabanya umuvundo, bizanongera isura y’umujyi. Kigali izarushaho kumenyekana nk’umujyi uteye imbere uharanira umutekano n’imikoreshereze myiza y’imihanda.

Ni igikorwa kijyanye n’icyerekezo cy’igihugu cyo kugira umujyi utekanye, w’umucyo kandi wunganira iterambere ry’ubukungu.

Kubaka “Yellow Junction Box” mu mujyi wa Kigali ni igisubizo cyatekerejweho kugira ngo gikemure ikibazo cy’umuvundo no kubungabunga umutekano w’abagenzi n’abanyamaguru.