Umukinnyi Thomas Partey, Umwe mu bakinnyi bakomeye bakomoka muri Ghana, warusanzwe akinira Arsenal yo mu bwongereza, akurikiranyweho ibyaha bikomeye birimo gufata ku ngufu abagore batatu no guhohotera ku mubiri undi mugore.
Uyu mukinnyi W’imyaka 32, wamamaye cyane mu gukina neza mu kibuga hagati, arashinzwa ibyaha bitatu byo gufata ku ngufu n’icyaha kimwe cyo guhohotera ku mubiri, byabaye hagati y’umaka wa 2021na 2022, nk’uko byemejwe na Polisi ya Metropolitan.
Raporo y’ubutabera yerekanyeko ibyaha bibiri byo gufata ku ngufu byakorewe umugore wa mbere. Ibyaha bitatu byakorewe umugore wa kabiri n’Icyaha cyo guhohotera ku mubiri [Sexual assault] bikekwa ko cyakorewe umugore wa gatatu.
Iperereza ryatangiye muri gashyanare 2022, nyuma y’aho umwe mu bagore atangarije Polisi yahohotewe n’uyu mukinnyi.
Gusa izina rye ntiryigeze ritanganzwa ubwo yakorwagaho iperereza bituma akomeza gukinira Arsenal uko bisanzwe.
Polisi ya Metropolitan yatangaje ko Thomas Partey azitaba urukiko rwa Westminster Magistratas’ Court i Londres ku wa 5 kanama 2025 Aho azaburanishwa ku byaha byose ashinjwa.
Umuyobozi w’iperereza, Andry Furphy, yavuze ko bashyize imbere guha ubufasha abagore bitangiye kugaragaza ibyo bakorewe. Yavuzeko n’abandi bafite amakuru kuri dosiye bashishikariwa kuyatanga kugirango bagume gushakisha ibimenyetso.
Mu itangazo ryasohowe n’umwunganizi we mu mategeko,Janny Wiltshire, yagize ati: Thomas Partey arahakanire ibi byaha byose. Yatanze ubufasha bwose bushoboka mu iperereza ryamaze imyaka itatu. Ubu aritegura kubona amahirwe yo gukura izina ryiwe mu mwijima.”
Kugeza ubu, Partey ntabwo yemerewe gutanga ibindi bisobanuro kubera ko urubanza ruri mu nzira zemewe n’amategeko.
Partey yageze muri Arsenal mu kwakira 2020, avuye muri Atletic Madrid, aguzwe £45.3 miliyoni. Muri Arsenal yakinnye imikino 130 ya Premier League, atsinda ibitego 9. Mu mwaka wa shapiyona ushize yakinnye imikino 35 atsinda 4 yakinnye imikino 12 muri Champions league, Arsenal igera muri ½, isezererwa na Paris Saint-Germain. Kuwa 30 kamena 2025, Amasezerano ye na Arsenal yarangiye kandi nabwo azongera andi. Mu ikipe y’igihugu ya Ghana amaze kuyikinira ishuro zirenga 50, aheruka kuyi hagararira muri World Cup qualifiers zabaye muri werurwe uyu mwaka.